Ծառափոսի մետաղական ծածկ

Պատրաստել ենք մայթին տեղադրվող ծառափոսի մետաղական ծածկ՝ 5 մմ հաստությամբ պողպատից։ Կոնստրուկցիան նախատեսված է ծառի շուրջ տարածքը ծածկելու և մայթին կոկիկ տեսք հաղորդելու համար։

Ծածկը պատրաստվել է կոնկրետ տեղամասի չափագրումների հիման վրա, հնարավոր է արտադրել նմանատիպ կոնստրուկցիաներ տարբեր չափերի և ցանկացած ձևի ծառափոսերի համար։

Կոնստրուկցիայի կառուցվածքը

Ծառափոսի արտաքին տեսանելի հատվածը պատրաստված է 5 մմ հաստությամբ պողպատե թիթեղից և բաղկացած է երկու առանձին կեսերից։

Կոնստրուկցիայի երկու մասից բաղկացած լինելը հատկապես կարևոր է հետագա շահագործման ժամանակ։ Անհրաժեշտության դեպքում երկու կեսերը հնարավոր է առանձին հանել առանց հատուկ գործիքներկ կիրառության՝ ծառին, հողին կամ ծառափոսի ներքին հատվածին հասանելիություն ստանալու համար, իսկ աշխատանքների ավարտից հետո կրկին տեղադրել։

Ծածկի տակ պատրաստվել է լրացուցիչ մետաղական կրող կարկաս, որը մեծացնում է կոնստրուկցիայի ամրությունն և ծածկը չի ճկվում ծանրությն տակ։

Անհատական դիզայն և լազերային կտրում

Ծածկի բոլոր հիմնական թիթեղյա տարրերը կտրվել են CNC լազերային կտրման միջոցով։

Տվյալ նախագծի դեպքում մակերեսի նախշը կտրվել է քաղաքապետարանի կողմից սահմանված դիզայնի համաձայն։ Լազերային կտրումը հնարավորություն է տալիս ծածկը պատրաստել ոչ միայն ստանդարտ նախշով , այլ ցանկացած դիզայնով։

Հնարավոր է պատրաստել ծառափոսի մետաղական ծածկ՝

• տարբեր երկրաչափական ձևերով,

• անհատական նախշերով և դեկորատիվ կտրվածքներով,

• պատվիրատուի տրամադրած դիզայնով,

• ընկերության անվան կամ լոգոտիպի ինտեգրմամբ։

Այսպիսով, ծառափոսի ծածկը կարող է կատարել ոչ միայն գործնական, այլև դեկորատիվ և բրենդային գործառույթ։

Արտադրական գործընթացը

Նախագծի իրականացման ընթացքում կատարվել են՝

• տեղամասի չափագրում,

• կոնստրուկցիայի պատրաստում ըստ իրական չափերի,

• 5 մմ պողպատե թիթեղների CNC լազերային կտրում,

• տարրերի հավաքում և եռակցում,

• մակերեսի ներկում,

• պատրաստի կոնստրուկցիայի տեղադրում։

Չափագրումից մինչև վերջնական տեղադրում ամբողջ աշխատանքը կատարվել է՝ հաշվի առնելով կոնկրետ ծառափոսի ձևը, չափերը և տեղադրման պայմանները։

Արդյունքը

Արդյունքում պատրաստվել է ամուր, սպասարկման համար հարմար և շրջակա տարածքի դիզայնին համապատասխանող ծառափոսի մետաղական ծածկ։

Contour-ը կարող է պատրաստել նմանատիպ ծառափոսի մետաղական ծածկեր ըստ անհատական չափերի և նախագծի՝ տարբեր ձևերով, չափերով և դիզայնով։ Հնարավոր է պատրաստել ինչպես պարզ ֆունկցիոնալ տարբերակներ, այնպես էլ դեկորատիվ լուծումներ՝ անհատական նախշերով, գրություններով կամ պատվիրատուի լոգոտիպով։